النصيب
ابد...ماجيت ابارك ولكن جيت باوصيك
على اللي ناوي تدخل بهاالليله...معذبتي
ترى لولا الظروف اللي عطتك وحدت محاكيك
قسم بالله ماتدخل عليهالوعلى رقبتي
ولكن النصيب اقوى ولاادري ويش اسوي فيك
نعم ... صارت معزبتك ... ولاصارت معزبتي
كذا شاءت بناالأقدار تحرمني لجل تعطيك
كذا لازم عشان تفوز إنت...أخسربتجربتي
تراها غاليه جدا... وتكفى...والله يخليك
تدللها...
تدلعها...
تنسيها مصاحبتي
انامن كثرمااغليها احس اني بديت اغليك
ولاتسأل بأيةحق ؟
ولا وش مناسبتي ؟
لإنك لو بتسألني بتسمع شي مايرضيك
لذا ياخوي لاتسأل ولا تسمع لأجوبتي
ابيك تحطها في داخل عيونك وبين ايديك
وهي دلوعه اعتادت على كثرة مداعبتي
فداعبها شوي شوي حتى تشتهي طاريك
وشاغبها إلين تقول لك : بطل مشاغبتي
وإذا هي مالها خلقك ... ولاتضحك ولاتسليك
تحملها وإسألها : ياعمري ليه عصبتي ؟!
وبالك اسمع إنك يوم تضربها وهي تشكيك
مايحتاج اوري لك بفن الضرب موهبتي
صحيح انك بتملكها ومعك العقد بالتمليك
واناعارف حدودالله ومن حقك معاقبتي
ولكن قلها اناالمجنون وصاني وهو يعنيك
يقول : انه بينتظرك ولو شيب وشيبتي
وانامجنونها اللي مانساها وانت مايمديك
تغطي ذكرياتي في هواها... وربع تجربتي
احس إني تماديت بكلامي ... والغضب حاديك
لو انك في مكاني ماتفكر في محاسبتي
كفاك اني تركت الليله اشغالي عشان اجيك
دخلت القاعه برجلي ولا ادري ويش عاقبتي
وانا ماجيت اخرب عرسك الليله ولا أذيك
انا جيتك عشان اخاطبك واسمع مخاطبتي
توصى...
وانتبه...
واحرص عليها والله يهنيك
ترى كل اللي طلع من ضيقي وكبتي
ولكن ماقدرت إني اقوله وانت مايخفيك
اخاف اني اذا قلته تقوم وتقطع رقبتي ...
تحيااااتي ...
الرئيسية 
أحدث الصور 
التسجيل 
دخول 
الثلاثاء 2 سبتمبر 2008 - 1:01